IFRS vir KMO: Erkenning van inkomste uit die lewering van dienste

Alvorens die inkomste ontvang vir dienste gelewer erken kan word in die boeke van die verkoper, is daar twee belangrike kwessies wat opgelos moet word naamlik, wanneer word die inkomste erken en teen welke bedrag?

Geld wat ontvang word vir die lewering van dienste kan erken  word as inkomste in die verkoper se boeke sodra die uitkoms van die transaksie betroubaar gemeet kan word. Dit vereis dat daar aan die volgende twee punte voldoen word:

1. Dit moet waarskynlik wees dat die toekomstige ekonomiese voordele wat verband hou met die transaksie na die verkoper sal vloei.

Tabel 1

Indien daar enige twyfel bestaan rakende enige van die items in die eerste kolom, sal die erkenning van bedrae ten opsigte van die diensleweringstransaksie plaasvind soos uiteengesit in die tweede kolom:

2. Die onderstaande vier kriteria moet betroubaar gemeet kan word:

• Bedrag van die inkomste (Let wel Indien dienste verruil word soortgelyke dienste – dit wil sê dienste van dieselfde aard en waarde – word daar nie ʼn inkomste gegenereer nie. Wanneer dienste egter verruil word vir dienste van ʼn ander aard sal die ruiltransaksie wel ʼn inkomste genereer).
• Bedrag van kostes alreeds aangegaan.
• Bedrag van kostes wat nog aangegaan moet word om die transaksie te voltooi.
• Die vlak van voltooiing van die transaksie aan die einde van die relevante verslagdoeningstydperk. .

Tabel 2:

Sodra die vier kriteria hierbo uiteengesit betroubaar gemeet kan word, kan die erkenning van die inkomste geskied soos aangetoon in die tweede kolom hieronder. Die vlak van voltooiing kan uitgedruk word as ʼn persentasie sowel as volgens drie ander metodes wat in. die laaste drie kol punte in die tabel hieronder uiteengesit word.

Die vier kriteria kan gewoonlik betroubaar gemeet word sodra die verkoper en die koper betrokke by die diensleweringstransaksie oor die volgende aspekte ooreengekom het:

• Die regte van beide partye;
• Vergoeding betaalbaar; en
• Die wyse en terme waarvolgens die vergoeding betaalbaar sal wees.

Indien die uitkoms van ʼn diensleweringstransaksie nie betroubaar gemeet kan word nie sal die inkomste steeds  in die verkoper se boeke erken word, maar slegs tot ʼn bedrag gelykstaande aan die bedrag van die uitgawes wat aangegaan en  verhaalbaar is.

Omstandighede waar die uitkoms van ’n diensleweringstransaksie nie bepaal of betroubaar gemeet kan word nie, sluit in:

• Twyfel rakende die waarskynlikheid dat die toekomstige ekonomiese voordele wat geassosieer word met die transaksie na die die verkoper sal vloei omdat:
• Dit onseker is of die inkomste wat reeds erken is wel invorderbaar gaan wees.
• Onsekerheid bestaan rakende die bedrag wat moontlik nie invorderbaar sal wees nie.
• Enige van die volgende items wat verband hou met die transaksie kan nie betroubaar gemeet word nie:
• Bedrag van die inkomste
• Bedrag van kostes reeds aangegaan
• Bedrag van kostes wat nog aangegaan moet word om die transaksie te voltooi
• Die vlak van voltooiing van die transaksie aan die einde van die verslagdoeningsperiode.

Bogenoemde is ʼn verkorte uiteensetting  van die basiese beginsels vir die erkenning van inkomste uit die lewering van dienste. Die meer spesifieke onderwerpe rakende die erkenning van inkomste uit konstruksiekontrakte val buite die bestek van hierdie artikel. Vir meer inligting rakende die onderwerp kontak jou finansiële adviseur.

Hierdie artikel is ʼn algemene inligtingsblad en moet nie as professionele advies beskou word nie. Geen verantwoordelikheid word aanvaar vir enige foute, verlies of skade wat ondervind word as gevolg van die gebruik van die artikel nie. Kontak altyd ʼn finansiële raadgewer vir spesifieke en gedetailleerde raad.  (E&OE)

Bronnelys:

• IFRS for SMEs: A summary by W Consulting and SAICA
• PWC Training Material for IFRS for SMEs
• IFRS Foundation: Training material for IFRS for SMEs